Hilabetero, zinemari begirada bat ematen diogu Kaleko Bentanie magazinean, 35mm atalean. Hilabete honetan, Zinemaldia duela gutxi bukatu dela aprobetxatu dugu, horren inguruan hitz egiteko, eta Jaxone Usandizaga gure kolaboratzaileak bi filme azpimarratu digu: Los limoneros eta Tiro en la cabeza.

 

081008 35mm

 

 

Portugaleteko auzo etxean, GITE-IPES taldeak historia hitzaldi zikloa antolatu du. Ostegun honetan, hilak 9, ziklo hau hasiko da, Jose Mari Lorenzo Espinosa eta Eduardo Renobales idazle eta historialariek emango duten hitzaldi batekin. Gaurko Kaleko Bentanien GITE-IPESeko Txema Uriarte izan dugu, ziklo hau azaltzeko.

 

Txema zikloa

 

 

 

Astelehen honetan, Ingurumenaren biografiak erakusketa hasi da Bilboko Alde Zaharreko Ekoetxean (Pelota kaleko 5. zenbakian) Asiako zenbait herritan ingurugiroan eta gizartean oro har izandako degradazioari buruzko testigantza, Andrew Rickard eta Eider Huertas-ek eginda, Australiatik Euskadira egindako bidai batean. Erakusketa honen inaugurazioa egiteko, Ekologistak Martxan taldeak hitzaldi–aurkezpena antolatu du; Andrew Rickard, erakusketaren egilea, hizlaria izango da. Hitzaldia, datorren asteartea, hilak 7, iluntzeko 20:00etan izango da Ekoetxean, Pelota 5, behea (Bilbo). Astearte honetan Eider Huertas bera izan dugu Kaleko Bentanien.

 

Eider Huertas Ekoetxea

 

 

Gaztesarea, gazte mugimenduko egitasmo komunikatiboa, aurtengo MusikaGida prestatzen ari da. Gaztesareako Koldo Otamendirekin hitz egin dugu egitasmo honetaz.

 

Koldo Musikagida

 

 

Argindarra joan zaigu irratiko egoitzan. Hori dela eta, arazoak izaten ari gara ohiko emisioari berriro ekiteko. Lanean ari gara normaltasuna berreskuratzen saiatzeko. Barkatu eragozpenak eta eskerrik asko aldez aurretik pazientziagatik.

 

Eguneraketa: ordu batzuk emisioan etena egon ondoren, berriro ere normaltasuna berreskuratu dugu. Berriro ere, barkatu eragozpenak.

Asteazkenean, Eskolak Euskaldundu Herri ekimenak prentsa agerraldia burutu zuen, beraien ikuspuntutik Euskal Herriko Eskolaren egoeraren azterketa plazaratzeko. Kaleko Bentanien ekimen honetako Ibai Redondorekin hitz egin dugu eskolaren egoeraren inguruan.

 

Ibai Redondo

 

 

Ahoztar Zelaieta gure kolaboratzailearen eskutik, ostiralero atal berria izango dugu aurrerantzean Kaleko Bentanien: "121, ahotsik gabekoen ahotsa", 121 Krew Barakaldoko musika taldeko kideen eskutik. Gaurkoan, beraien aurkezpena egiteaz gain, Xabier Silveira bertsolariari erronka plazaratu diote, asteburuan berarekin batera egongo direla aprobetxatuz.

 

081003 Ahoztar